紫金山-ATLAS 彗星 ê 尾溜 內底 無四常 ê 烏暗線 是按怎來--ê？10 月中有翕著 ê 這粒足光 ê 彗星 相片，毋但翕著 予人印象足深 ê 長彗尾 kah 細細條 ê 倒反彗尾，嘛有一寡人 翕著 長 彗尾 內底 足特別 ê 烏暗 線。這个烏暗線是按怎來--ê？到今猶 tī 咧討論。有可能是 烏暗 塗粉 雲煙、無仝區 ê 彗尾 相疊、抑是 較厚 ê 彗鬚 內底一寡細粒塗粉粒產生 ê 烏影。10 月 14 tī 美國德州翕著 ê 這張 相片 嘛有翕著這條烏暗線。為著欲幫贊科學家分析這个現象，你若是有翕著有清楚烏暗線 ê 彗星相片，請 送來 APOD。紫金山-ATLAS 彗星 這馬已經轉去 外太陽系 矣，所以伊 tī 天頂會 愈來愈暗。 ——— 這是 NASA Astronomy P…

火星 頂懸有一巡足深 ê 痕跡，是 太陽系 內底上大 ê 峽谷。伊就叫做 水手谷，是一个 3000 公里長、600 公里闊，8 公里深 ê 大山谷。地球 美國 Arizona 州 ê 大峽谷 嘛才 800 公里長，30 公里闊、1.8 公里深爾爾。水手谷 ê 起源到今 猶毋是蓋清楚。目前上主要 ê 假說是講，伊是幾若十億年前 火星冷卻 ê 時陣，一條細條 ê 必巡 演變做這馬 ê 峽谷。科學家已經 ùi 這个 峽谷內底揣著幾若款地質演變 ê 過程。這張 拼鬥圖 是 1970 年代 海賊號 軌道太空船 翕 ê 火星 相片 合成--ê。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov…

冰巨行星 海王星 tī 地球天頂是暗暗一粒 tī 遐。伊 kah 太陽 ê 距離 是 伊 kah 地球距離 ê 30 倍，愛用望遠鏡 才看會著 這粒暗暗 ê 遙遠世界。這个戲劇性 ê 海王星暗暝，是地球附近 ê 望遠鏡翕袂著 ê 景色。Ùi 內太陽系看出去，是干焦看會著 海王星 日時 這爿 ê 景色。實際上這幅 新月形 ê 海王星暗暝 kah 邊仔 ê 海衛一 Triton，是 航海家 2 號太空船 翕--ê。航海家 2 號太空船是 1977 年 ê 時陣 ùi 地球發射，1898 年 ê 時陣 飛倚這粒太陽系上外口 ê 行星。這隻機器人太空船 離開 ê 時陣，回頭看海王星，紲落來就閣繼續 伊 ê 星際旅行。 ——— 這是 NASA Astronomy Picture of the Day …

浮 tī 咱銀河盤附近 ê 厚塗粉分子雲，看起來敢若是宇宙尺度 ê 一支來鬥相共 ê 手。In 是恆星形成星際雲 複合體 ê 一部份，包括 LDN 1358, 1357, kah 1355。這是美國天文學家 Beverly Lynds tī 1962 年piàn ê 烏暗星雲目錄 內底 ê 天體。這寡 3000 光年遠、袂透光 ê 烏暗星雲是 tī 有足濟 恆星 ê 北方星座 仙后座 內底。對天文攝影師來講，翕著 in 是 足困難毋過足值得驕傲 ê 一項代誌。這个距離翕著 ê 這張望遠鏡深空影像，差不多是 80 光年闊。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：…

這張 美麗 ê 星際景色 Arp 227 是 1996 年 ê「特殊星系圖集」內底 ê 一个特別 ê 星系系統。這个系統 tī 雙魚座方向 1 億光年遠 ê 所在。相片中央倚 倒反頂懸 ê Arp 227 其實是 2 个星系，雲殼星系 NGC 474 kah 伊附近 ê 捲螺仔星系 NGC 470。NGC 474 有 顯目 ê 雲殼 kah 恆星流，應該是 10 億年前 kah 另外一个較細 ê 星系相倚 ê 時陣，受著潮汐力 ê 影響造成--ê。正爿下底 ê 大粒星系 NGC 467 嘛有 雲殼 kah 恆星流，表示講這應該嘛是另外一个 合併星系系統。視野內底閣有足濟美麗 ê 背景星系，前景是 銀河系 內底 ê 天星。這張望遠鏡景色有 25 角分，差不多佔 天頂 ê 一半。 ——— 這是 …

紫金山-ATLAS 彗星 這馬欲轉去 外太陽系 矣。這粒大粒垃圾雪球 tī 地球 10 月份 行到 太陽附近 ê 時陣，變做是夜空中予人 印象足深 ê 天體，逐家嘛翕著足濟足媠 ê 相片。這張相片 是 10 月中翕--ê，有一條顯目 ê 倒反彗尾。這張相片有翕著 彗星 C/2023 A3 (紫金山-ATLAS 彗星) 長長 ê 塗粉 尾溜 kah 離子 尾溜，方向是指向離開日頭 ê 方向。毋過 內底有較大粒塗粉粒 ê 倒反彗尾，方向是指向 日頭 落去 ê 方向。前景是 意大利 ê Tai di Cadore 庄頭，背景是 足懸 ê Dolomite 山脈。另外一粒 彗星 C/2024 S1 (ATLAS 彗星) 進前去予人認為 kah 紫金山-ATLAS 彗星 有通比並，毋過伊頂禮拜接近太陽…

木星頂懸彼粒烏斑是啥物？無人知影。NASA ê 機器人太空船 Juno 飛過 木星 ê 時陣，翕著這个 一直攏烏烏 ê 雲，咱 kā 叫做 深坑。邊仔 ê 雲 ê 圖樣表示講，深坑 是 一个 捲螺仔旋 ê 中心。因為 木星大氣 ê 烏色雲 比 淺色雲 較深，所以這个 深坑 看起來就親像是一个 足深 ê 空。毋過咱目前猶無證據，較歹講。深坑 邊仔是一寡複雜、彎彎曲曲 ê 雲 kah 捲螺仔風 風暴系統。有一寡 tī 上懸海拔 ê 雲就是淺色--ê。這張圖 是 2019 年 Juno 太空船飛過 木星雲頂 1 萬 5000 公里懸 ê 時陣翕--ê。後一擺 Juno 太空船 飛過 木星，會發生 tī 3 禮拜後。 ——— 這是 NASA Astronomy Picture of the Day …

土星 tī 地球 ê 夜空 是遮爾光。伊美麗 ê 望遠鏡景色 kah 美麗 ê 土星環定定予伊 tī 天星晚會 內底成做主角。毋閣這个遮爾美麗 ê 土星環 kah 土星暗暝，是無可能 tī 倚太陽這爿 ê 望遠鏡翕著，是愛 ùi 另外彼爿才有法度翕。因為倚太陽這爿干焦有法度看著 土星 ê 日時。事實上，這張土星影像是 Cassini 太空船 翕--ê。這是土星去予薄薄 ê 太陽光照甲親像新月 kah 無照著光 ê 土星暗暝。In ê 烏影 to̍h 投射 tī 闊 koh 複雜 ê 土星環系統。Cassini 是地球送去 ê 機器人太空船，伊踅土星 13 冬了後，tī 2017 年 9 月 15 駛入去這粒氣態巨行星 ê 大氣層。這張宏偉 ê 拼鬥影像是 kā Cassini 闊幅 kha-…

美麗 ê 大捲螺仔星系 NGC 6744 ê 大細差不多是 17 萬 5000 光年闊，比 咱 ê 銀河系 閣較大。伊 chhāi tī 南方星座 孔雀座 遐，離咱有 3000 萬光年遠。咱若是用細台望遠鏡 kā 看，伊干焦是一个暗暗霧霧 ê 天體。這个島宇宙離咱無蓋遠，伊 ê 星系盤趨 tùi 咱 ê 視線方向，所以這張顯目 ê 望遠鏡景色才看會著詳細 ê 星系肖像。這幅圖 ê 視野大細，差不多 kah 規粒月娘 ê 視角平大。這个大星系 ê 中心，有一个 搝長 ê 黃色星系核。這个黃光主要是 ùi 較老較冷 ê 恆星 來--ê。除了星系核，伊閣有足闊 ê 捲螺仔手骨，面頂攏是藍色少年星團 kah 一搭一搭 ê 粉紅仔色恆星形成區。倒爿下跤有一條較長 ê 捲螺仔手骨，掃過一个較細 ê 衛星…

夜空有一个奇怪 ê 面容，去予恆星光照甲爍咧爍咧。人看著這个彎彎曲曲 ê 形體，就 kā 號做 尪姨頭星雲。實際上，這个遮爾迷人 ê 望遠鏡景色，看起來敢若是 尪姨 tùi 獵戶座 彼粒 足光 ê 超巨星 參宿七 硞硞看。尪姨頭星雲 較正式 ê 名是 IC 2118，伊差不多有 50 光年闊，而且是 一堆星際塗粉粒 反射 參宿七 發出 ê 光。尪姨頭星雲 kah 參宿七 邊仔塗粉發出 ê 藍光，毋若是因為 參宿七 有較強 ê 藍光，嘛是因為 塗粉粒散射 藍光 比 紅光 閣較有效率 。仝款 ê 物理機制 造成 地球 日時 ê 天頂 看起來 是藍色 ê，是講 tī 地球大氣 內底 ê 散射物，是 窒素 分子 kah 酸素 分子 按呢。參宿七 kah 尪姨頭星雲，和 踅 tī in 附近 ê 氣體…

這个太空氣泡是按怎做出來的？是 ùi 恆星風 kā 歕出來的。這个 唌--人 ê 星雲 就親像是一粒頭，伊 ê 編號是 NGC 7635，一般攏 kā 伊叫做 氣泡星雲.。這个遮爾媠 ê 景色，是愛長時間感光才有法度翕出這粒 宇宙氣泡 kah 伊邊仔 ê 複雜細節。雖罔講伊看起來敢若是會隨破去，毋過這粒直徑 10 光年 ê 氣泡其實會當證明講，進前捌發生過 激烈 ê 活動。氣泡 中心 ê 正爿頂懸有一粒足光 ê 高溫 恆星，就藏 tī 星雲 ê 反射 塗粉內底。一粒差不多是 10 到 20 倍 太陽 質量 ê 恆星，發出 足猛 ê 恆星風 kah 足強 ê 輻射，kā 邊仔 較厚 ê 分子雲 歕開，形成這个 發光 ê 氣體結構。這个 趣味 ê 氣泡星雲 就 tī 仙后座 方向 1 萬 100…

這寡恆星當咧毀滅雲柱。講較詳細咧，圖中央 有一寡新形成 ê 恆星 發出 ê 光是遮爾強，強甲會 kā 伊邊仔 ê 雲柱 內底 ê 氣體 kah 塗粉 蒸發 去。仝一个時間，這寡 雲柱 嘛想欲形成 新 ê 恆星。這規張圖攏是 星團 NGC 602。這張新 ê 景色是 Webb 太空望遠鏡 tī 幾若个 紅外線 波段翕--ê。咱會當 kah Hubble 太空望遠鏡 翕--ê 可見光 影像做比較。NGC 602 就 tī 小麥哲倫星雲 (SMC) 附近，SMC 是咱銀河系 ê 一个細粒衛星星系。照 SMC 估計 ê 距離來看，這張圖 應該有 200 光年闊。圖 ê 邊仔有一寡足 引人注意 ê 背景星系，in 大部份攏 tī 幾若億 光年 之外。 ——— 這是 NASA Astronomy Pic…

有當時仔，天頂會出現一條燒熱 ê 河。這條河會製造 速度增加的強熱輻射，抑是叫做 STEVE 極光，會發出紅色、白色、kah 粉紅仔色 ê 光。STEVE 極光 是 按怎出現欸？這到今猶是一个研究主題。毋過最近 ê 證據表示講，in 是 ùi 地球大氣 100 公里懸 ê 電離層 內底 高速運動 ê 熱離子河 發光 造成--ê。較闊 ê 紅光河川，可能 kah STEVE 極光 有關，毋過嘛有可能是 穩定極光紅弧 SAR，這是一款 較捷 看著 ê 光。這張相片 是這個月 tī 法國 Côte d'Opale 翕--ê 闊幅數位合成相片，變做天頂 ê STEVE 極光弧。雖罔講這个 幻影 才出現幾若分鐘久，毋過 tùi 頭腦動足緊 ê 天文攝影師來講，已經有夠矣！毋知你有揣著伊無？ ——— 這…

銀河系內底上使人驚惶 ê 星雲是佗一个？其中一个應該是 LDN 43，伊足成是一隻大型 ê 宇宙 夜婆，佇 萬聖節 暗暝 ê 星空 咧飛。這个 分子雲 就佇 蛇夫座 遐，離咱有 1400 光年 遠。伊厚甲毋但會 kā 背景光線閘牢，嘛 kā 反射星雲 LBN 7 照予光 ê 氣體閘牢矣。這个 12 光年長 ê 氣體 塗粉 雲絲，實際上是一个 恆星托兒所，毋是歹吉兆。這隻夜婆發出 ê 奇怪 光線，是因為這寡光是 ùi 實密 ê 氣體丸 內底照出來--ê，這內底有才拄形成 ê 新恆星。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日…

有一粒離地球干焦 700 光年遠爾爾、佇 寶瓶座 方向、太陽質量 ê 恆星，當咧死亡。這粒欲死 ê 恆星佇這个階段持續幾若千年，製造出這个 捲螺星雲 (NGC 7293)。伊是一个咱研究足濟 ê 厝邊 行星形星雲，是恆星演化尾期 ê 形態。這張狹頻影像是 kā 紅色 ê 水素原子發射線 kah 藍色 ê 酸素原子發射線疊出來 ê 結果。咱會當看著捲螺星雲足精彩 ê 細節，嘛包括 內底 3 光年闊較光 ê 區域。捲螺星雲中心彼个白點，是佇行星形星雲中央 ê 高溫恆星。拄開始影--著 ê 時陣，叫是講這是一个簡單 ê 星雲。毋過這馬咱知影講，這个捲螺星雲有一个足 複雜 ê 幾何結構。 ——— 這是 NASA Astronomy Picture of the Day ê 台語文 podcast 原…

掠著矣！ ft. 阿錕 (20241023) 火箭若是轉來發射台，而且去予掠著，會按怎？這是頭一擺發生 ê 代誌，就發生 tī 10 工前 SpaceX ê Starship 火箭 ùi 美國 德州 Boca Chica ê 發射台 出去了後。照計畫，星艦火箭 分離，頂節降落 tī 太平洋。上特別 ê 部份是下節火箭，超級重型推進器 12 號，tī 7 分鐘後 去予發射台掠著矣！掠著火箭通重複使用，是一款足新 ê 技術，按呢會當降低火箭 ê 飛行成本。未來 NASA 可能 會送 星艦火箭 到 地球軌道、月球、甚至 其他行星。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文…

紫金山-ATLAS 彗星 ê 尾溜實在是引人注意。相片內底是 C/2023 A3 紫金山-ATLAS 彗星，是頂禮拜伊上媠 ê 時陣 tī 美國 加州 東 Sierra 山脈 天頂翕著--ê。這粒彗星毋但有 足光 ê 彗尾，而且閣有反向 ê 倒反彗尾。正爿是 球形星團 M5，tī 足遠 ê 所在。伊倚近咱 ê 時陣，咱猶毋知影這粒 冰球 是毋是會因為日光傷強 造成溫度變懸 煞破去。實際上，這粒彗星有活落來，而且變甲比夜空中 其他天星 閣較光，伊 ê 視星等 有到 -4.9。毋過真不幸，伊彼陣 離太陽傷近，所以 tùi 一寡臨時欲揣伊 ê 人來講，就較歹揣。紫金山-ATLAS 彗星 是毋是會變做 2024 年 上大粒 ê 彗星，愛看紲落來 欲來 ê 彗星 C/2024 S1 (ATLAS 彗星…

這六張是連紲六工 ê C/2023 A3 紫金山-ATLAS 彗星 tī 過去這一禮拜離開咱地球 ê 相片。這寡影像是 tī 美國加州 用仝一台 kha-mé-lah kah 鏡頭 tī 指定地點 kah 指定時間翕--ê。上正爿彼張是 10 月 12 翕--ê。這粒 ùi 遙遠 Oort 雲來 ê 人客 已經行到 kah 咱上倚 ê 地點矣，差不多是 7000 萬公里，按呢差不多是 4 光分遠。伊有足光 ê 彗鬚 kah 長長 ê 塗粉尾溜，離日頭足倚--ê，毋過 tī 西爿地平線方向猶是真好揣。紲落拉幾若工，這粒欲離開 ê 彗星沓沓仔 peh 到黃道頂懸，較倚北爿較暗 ê 夜空，開始 ùi 視野內底消失去。10 月 14 紫金山-ATLAS 彗星 行過地球軌道面，產生一條 倒反彗尾，向西…

10 月 14 已經真歹翕著 整個 C/2023 A3 紫金山-ATLAS 彗星 矣。這張是 tī 彗星離咱美麗地球上倚彼陣翕--ê，彼工暗頭仔 ê 天空景色 to̍h 是按呢。這是 kā 兩張長焦鏡頭翕 ê 相片組合起來--ê 影像，這是 tùi Arizona 州 Tucson 市 ê Gates Pass 向西爿看去 ê 景色，ùi 頂懸到下底差不多有 26 度闊。彼暗，逐彗星 ê 人甚至 會當認出 球形星團 M5 kah 週期彗星 13P Olbers 暗暗 ê 光。這粒彗星就 tī 紫金山-ATLAS 彗星 長長白白 ê 塗粉尾溜 內底彼粒足光 ê 彗鬚頂懸。因為地球拄經過彗星 ê 軌道面，所以 這个角度看著 ê 紫金山-ATLAS 彗星，有一條足顯目 ê 倒反彗尾。倒反彗尾是進前…

NASA ê Europa 快艇 這馬當咧飛去 地球以外 ê 海洋世界。這張相片是 火箭發射前一工 tī Kennedy 太空中心翕--ê。大隻太空船去予櫼入去獵鷹號重型火箭上頂懸 ê 保護蓋內底。Europa 快艇 ê 星際旅行會先飛去火星，才閣飛轉來地球。紲落來會 利用引力來協助調整軌道，通予伊 tī 2030 年 4 月 ê 時陣飛入去踅 木星 ê 軌道。等伊開始踅木星了後，太空船就會飛過 木衛二 Europa 49 擺，探索這粒有全球地下海洋、通支持性命發展 ê 衛星。相片背景 tī 火箭邊仔 ê 是 紫金山-ATLAS 彗星，這工是彗星離地球上倚 ê 隔轉工。這粒目睭看會著 ê 彗星，是目前夜空中逐家上愛 ê 天體，伊是 ùi 遙遠 ê Oort 雲 來 ê 人客。 ——— 這是 …

有當時仔，規个夜空是媠甲予人料想袂到。這張相片是 頂禮拜 一工暗暝 翕--ê 紐西蘭 南島 ê Lindis Pass ê 夜空。Kah 平常時 恬靜、天星滿滿 ê 夜空無仝，這暗 ê 夜空是足無閒、足鬧熱--ê。會忽然間出現 四界攏有 ê 紅色極光、青色 ê 欄杆形極光、紅色 ê 穩定極光紅弧 (SAR 弧)、STEVE 極光、流星、kah 月娘。In 比咱 銀河系 中心較光，嘛比銀河系 ê 兩粒衛星星系 LMC kah SMC 較光。所有你看著 ê 攏是 tī 5 分鐘內翕--ê 28 改感光相片，才合成這張全景圖。頂禮拜，太陽日冕物質噴射 (CME) 向地球方向噴足濟粒子，結果就是 極光 kā 足濟所在 ê 夜空 照甲足光--ê。本底若是離開地球南北極較遠 ê 低緯度 天頂，應該是看無…

紫金山-ATLAS 彗星 ê 彗尾 會變甲偌光？偌特別？這粒彗星 幾若禮拜前 才拄經過 伊 kah 太陽 上倚 ê 時期，三工前才拄經過伊 kah 地球上倚 ê 時期。C/2023 A3 (紫金山-ATLAS 彗星) tī 過去幾若工，變做是這世紀 上光 ê 彗星 之一。毋過真不幸，伊 kah 咱 ê 日頭行傷倚，結果煞真歹看著。這粒 彗星 欲離開太陽 ê 時陣，伊會變甲 足引人注意，毋過嘛有可能會隨變暗去。這支動畫 有展示 ùi 地球看著 ê 彗尾是按怎形成--ê？而且嘛有預測伊會按怎發展。影片 kā 咱講，本來 kah 彗星仝方向 ê 塗粉尾溜，較重 ê 部份 已經開始 變到 倒反爿 去矣。較輕 ê 部份 猶是 kah 離子尾溜 仝爿。離子尾溜 是去予 太陽風 kā 捒出來--ê，就是藍…

你敢有看著 chăng 暗 ê 極光？幾若工前，這个問題變做是一个世界性 ê 問題。因為極光風暴 通常袂 tī 離地球 南北極 遮爾遠 ê 所在出現。這个原因主要是因為 拜二 ê 時陣太陽發生一擺強烈 ê X 級太陽爍光，kā 高能 電子 kah 質子 噴到 太陽系 內底，kah 地球 磁場 相迵。這寡粒子攏著 地球 高層大氣 ê 酸素 原子 ê 時陣 會發出 紅光，就親像是影片按呢，規个天頂攏是，閣會 tī 墜直方向 跳舞。這支影片是 tī 意大利 北部 Alps 山 山頂 Cortina d'Ampezzo 鎮 翕--ê 一點鐘 縮時攝影影片。背景是 銀河系 ê 天星，前景是飛龍機 kah 衛星。太陽 最近 ê 活動較強，未來這一年，咱會繼續 tī 地球天頂看著足濟 美麗 ê 極光景色。…

下暗日落 ê 時陣，咱來去外口看彗星！C/2023 A3 (紫金山-ATLAS 彗星) tī 北半球天區 ê 暗頭仔，已經光甲目睭看會著矣！你若是想欲看著彗星，請向西爿地平線附近揣看覓咧。天氣若是袂䆀，天色有夠暗 ê 時陣，免 雙筒望遠鏡嘛 看會著。你應該看會著 暗暗 ê 彗尾，伊會出現 tī 地平線頂懸 差不多一點鐘久 ê 時間。這張相片 是 2 工前翕--ê 紫金山-ATLAS 彗星，伊就出現 tī 美國 華盛頓特區 林肯紀念堂 ê 天頂。日子一工一工過去，彗星 kah 逐工咧變化 ê 彗尾 tī 天頂嘛愈來愈懸。是講伊這馬偌光？彗尾偌長？咱就 干焦會當用臆--ê。 ——— 這是 NASA Astronomy Picture of the Day ê 台語文 podcast 原文版：ht…

一條石頭仔路經過這个庄頭，天頂是一片 多彩 ê 天空。這張是 10 月 10 號 tī 西 Virginia 州 南部 ê Monroe 縣翕--ê。夜空是咱熟似 ê 景色。毋過，閃閃爍爍 ê 北極光 kha-tián，應該袂出現 tī 遮。這暗，全球 低緯度地區出現 hŏng 意外 ê 活潑極光，比平常時出現極光 ê 北極區 kah 南極區 閣較遠。規个天頂攏是極光，這个現象是 日冕物質噴射 (CME)，是一款足強 ê 高能 磁化 電漿，會引起 足強 ê 地磁風暴，就是咱看著 ê 極光。太陽 產生足強 ê X 級太陽爍光 了後，CME 就 ùi 活動力足強 ê 太陽 噴對 地球來。 ——— 這是 NASA Astronomy Picture of the Day ê 台語文 podcast…

這張影像內底有 5 粒彗星排做伙做比較。這是長歲壽 ê SOHO 太陽太空船 頂懸 ê 日冕儀 翕--ê。這 5 粒是照時間順序排--ê，咱會利用 in ê 彗尾 來認彗星。每一粒彗星 ê 彗尾，攏是 ùi 視野中心 離開 太陽。毋過上光 ê 太陽去予日冕儀 ê 閘光盤 閘咧。逐粒彗星 對 地球頂懸 ê 觀星者來講，攏是足難忘--ê。倒爿頂懸彼粒，是 McNaught 彗星，是 21 世紀上光 ê 彗星。C/2023 A3 紫金山-ATLAS 彗星 這馬來到近日點，你會當看著 中央下底 ê 太陽活動足強--ê，所以這粒彗星 吸引足濟人 來看彗星。到 2024 年 10 月底，影像內底空白 ê 第 6 位可能會囥 彗星 C/2024 S1 (ATLAS)。... 毋過嘛有可能毋是。 ——— 這…

2024 年 ê 第二擺日食 ùi 太平洋 開始。10 月 2 號，月球 ê 烏影 ùi 西爿 徙 tùi 東爿去。Tī 這條狹狹 ê 偽本影路線下底 ê 人，會當看著 日環食。這條路線主要是 tī 海洋頂懸徙動，所以伊主要會出現 ê 陸地就 tī 南美洲上南爿，而且會 tī 南大西洋結束。有一寡人 kā 這个戲劇性 ê 日環食階段叫做 火環日食。月球 ê 偽本影嘛經過南太平洋 ê 島嶼，包括 復活島 ê 居民 嘛攏看會著日環食 ê 規个過程。這張有 棕樹 ê 島嶼相片，是兩張相片合成--ê。一張是有太陽濾鏡 ê 時陣翕--ê，一張是 tī 日環食 ê 食甚階段翕--ê。新月 ê 剪影 拄離開中心，毋過猶 tī 活跳跳 ê 太陽盤內底。 ——— 這是 NASA Astronomy Pictu…

你有看著日頭無？好！按呢你敢會當 kā 咱解說講，是按怎日頭中央有一粒大烏斑？這个烏斑就是 月球，伊若是 行到太陽內底，咱就會 kā 這个現象叫做 日環食，抑是金環日食。這个現象發生 tī 頂禮拜 地球 南半球 一條狹狹 ê 月球烏影 下底。這張相片是 tī 智利 Patagonia 翕--ê。月球若是行到 離地球足倚、而且行到 kah 日頭排仝逝 ê 時陣，地球有一寡所在就看會著 日全食。日環食 比 日全食 較定定看著，毋過 月球 會離咱 地球 愈來愈遠。閣過 10 億年，月球 ê 軌道就離咱 地球 無夠近，到時就 看無 日全食 矣。 ——— 這是 NASA Astronomy Picture of the Day ê 台語文 podcast 原文版：https://apod.nasa.g…

暗頭仔天頂出現一粒足光 ê 彗星。彗星 C/2023 A3 (紫金山-ATLAS 彗星) 變甲愈來愈光，雖罔講伊已經光甲目睭 看會著，毋過因為伊 kah 日頭行傷倚，所以咱猶是無法道看著。相片 內底 ê 紫金山-ATLAS 彗星 是 日出進前 ùi 秘魯 Andes 山脈 翕著--ê。Tī 這个 遮爾懸 ê 所在，天氣有較寒。毋過按呢東爿地平線就較低，天文攝影師欲 tī 暗頭仔翕這粒 彗星 就會較清楚。這張相片 有一條 長甲予人印象足深 ê 塗粉尾溜，tī 天頂有 幾若度 遐爾長。毋但按呢，閣有一條予人印象足深 ê 藍色 離子尾溜。這個月，彗星離開 太陽，經過 地球。暗暝 ê 觀星者應該會當 tī 日頭落去 了後看著這粒大粒 ê 垃圾 冰球 向西方徙動。 ——— 這是 NASA Astron…

2024 年 ê 第二擺日食 出現 tī 太平洋。10 月 2 號，月球 ê 烏影 ùi 西爿向東爿行過。你若是 tī 這條狹狹 ê 月影路線下底就會看著 日環食。這條路線經過海洋，迵過南美洲上南爿附近 ê 陸地，落尾行到南大西洋。有一寡人 kā 這个戲劇性 ê 日環食 叫做 火環日食。就算是按呢，猶是有足大區所在看會著日偏食。這張速翕是 10 月日食上開始 ê 時陣翕著--ê，tī 日出 ê 時陣就會當 tī 雲頂看著。Tī 地球 夏威夷島 ê Mauna Kea 天文台 遊客中心 看著 ê 日偏食，是日頭去予閘著上濟 ê 日偏食。 ——— 這是 NASA Astronomy Picture of the Day ê 台語文 podcast 原文版：https://apod.nasa.go…

McNaught 彗星是 2007 年 ê 大粒彗星，有一條 足長--ê、敢若膨鼠尾溜 ê 彗尾。這條壯麗 ê 彗尾 tī 天頂是規片--ê，日落了後幾若工，南半球 ê 觀星者 攏看會著伊。相片是闊幅 kha-mé-lah 長時間感光了後，翕著--ê 壯觀 ê 離子尾溜。有當時仔，北半球 ê 觀星者 嘛 干焦會當 tī 地平線以上 看著 彗尾。彗星 C/2006 P1 (McNaught 彗星) 照估算應該 上光 有到 負 5 星等。這張相片是 發現這粒彗星 ê 人 tī 2007 年 1 月 日落 ê 時陣 tī 澳洲 Siding Spring 天文台 翕--ê。McNaught 彗星 是過去幾若十年來上光 ê 彗星。等伊出現 tī 南半球天頂，嘛差不多欲離開 太陽 kah 地球，沓沓仔…

彗星 C/2023 A3 嘛叫做 紫金山-ATLAS 彗星，伊這馬 tī 地球天頂是愈來愈光。這粒彗星 嘛叫做 A3 彗星，是 ùi 遙遠 ê Oort 雲 來--ê，這馬已經來到 內太陽系矣。這粒彗星 tī 9 月 27 ê 時陣行到 近日點，這是離太陽上倚 ê 所在。伊會 tī 10 月 12 行到 近地點，就是離咱地球上倚 ê 所在。時到伊就會變做夜空中上引人注意 ê 天體。毋過咧翕這張相片 ê 時陣，A3 彗星是透早 peh 起來--ê。伊 ê 彗鬚是足光--ê，而且彗尾已經足長矣。巴西南部 ùi Praia Grande 到 Santa Catarina ê 暗暝天頂攏看會著。下月眉嘛拄 ùi 東爿地平線 peh 起來偷看。雖罔講彗星 ê 路線實在是 真歹臆，毋過 紫金山-ATLA…

這粒新 ê 彗星已經飛過 kah 太陽上倚 ê 所在，這馬當咧倚近地球。彗星 C/2023 A3 (紫金山-ATLAS 彗星) 這馬拄 ùi 金星 軌道內底 徙出來，差不多閣 2 禮拜就會行到離 地球 上倚 ê 所在。紫金山-ATLAS 彗星 這馬已經光甲目睭有機會看著矣，若是用 kha-mé-lah 長時間感光，應該是翕會起來。這馬地球北半球 kah 南半球 ê 觀星者應該攏看會著這粒彗星矣！這張相片是幾若工前 tī 墨西哥 Zacatecas 天頂翕--ê。因為天頂攏是雲，所以天文攝影師駛一台 無人機 到雲頂去翕，kā 其中幾若張相片疊起來了後才看會著彗星。雖罔講彗星未來會變甲偌光是 真歹臆，毋過逐家攏希望 紫金山-ATLAS 彗星 會 tī 暗頭仔彼陣 愈來愈光。 ——— 這是 NAS…

1716 年 ê 時陣，英國天文學家 Edmond Halley 講，「這看起來干焦是夜空內底 ê 一个光點爾爾，毋過 tī 無月娘 ê 暗暝，天氣若是有清，咱就會當直接用目睭看著伊」。是講，咱這馬較袂講 M13 是 武仙座 內底 ê 大型球形星團矣，咱會直接講伊是北天上光 ê 球形星團。咱若是有 像這款遮爾清楚 ê 望遠鏡影像，就會當看著這个星團內底有 幾若十萬粒足壯觀 ê 恆星。這个星團就 tī 2 萬 5000 光年遠 ê 所在，內底 ê 恆星攏櫼櫼 tī 直徑 150 光年 ê 範圍內。Tī 星團 中心附近，3 光年立方 ê 範圍內底就有 100 粒恆星矣。咱來做一个比較較好了解，kah 咱太陽 上倚 ê 恆星 是 tī 4 光年遠 ê 所在。 這張深空闊幅影像內底 ê 遙遠背景星系…

彗星 C/2023 A3，簡稱 A3，嘛叫做 紫金山-ATLAS 彗星。咱這馬會當 tī 透早看著 紫金山-ATLAS 彗星 矣！這粒 大粒 垃圾冰山 用 足奇怪 ê 角度 入內到 內 太陽系。閣兩工伊就會接近 太陽 矣！伊會行到 水星 kah 金星 之間。這張相片 是 長時間感光 ê 相片，翕 ê 是 彗星 kah 伊 ê 塗粉尾溜 tī 日出進前 kah 日出期間 ê 變化。相片是 4 工前翕--ê，彗星就 tī 澳洲 New South Wales 州 George 湖 天頂 peh 起來。倒爿一條一條直 ê 影格是咧翕 彗星 tī 日出了後，背景 ê 天色變甲愈來愈光、愈來愈多彩。目前咱猶毋知這粒彗星 tī 後個月會變甲偌光，這愛看 彗核 會噴 偌濟氣體 kah 塗粉。樂觀 ê 天文…

這區厚塗粉 ê 所在當咧形成恆星。這區是倚 南冕座 方向 500 光年 遠 ê 所在，是一區大型 分子雲 複合體。Tùi 一寡人來講，伊 看起來就敢若是 一隻咧受氣 ê 人熊。伊到咱 ê 距離，大約仔是 咱到彼个有名 ê 恆星工場 獵戶座星雲 距離 ê 3 分 1。咖啡色 塗粉雲 kah 較光 ê 星雲濫做伙，kā 銀河系 內底 較遠 ê 背景星 ê 光 閘牢矣，嘛 kā 藏 tī 雲內底，當咧形成新恆星 ê 現象 閘牢矣。相片 內底 塗粉構成 ê 生物形體，目睭 ê 部份是藍色 反射星雲 NGC 6726, 6727, 6729, kah IC 4812。紅色 ê 喙是 水素 發出 ê 光。人熊星雲 倒爿頂懸是 NGC 6723，是一个 3 萬光年遠 ê 球形星團。 ——— 這是 NASA…

這粒已經足光 ê 彗星 接近咱 ê 時陣會發生啥物代誌？較樂觀 ê 預測認為講，彗星 C/2023 A3 (紫金山-ATLAS) 會 tī 真短 ê 時間內，光甲會當直接用目睭看著。彗星未來會偌光，實在是 真歹預測，而且這粒 彗星 可能會 tī 溫暖 ê 日光下底 破去。毋過會當確定 ê 是，彗星這馬是光甲料想袂到。目前是會 tī 這禮拜尾仔 行到 離太陽上倚 ê 所在 (0.39 个 天文單位)，而且會 tī 後個月初行到 離 咱地球 上倚 ê 所在 (0.47 个天文單位)。紫金山-ATLAS 彗星 是舊年才發現--ê。五月底翕 這張相片 ê 時陣，這粒彗星拄 ùi 兩个 遙遠星系 面頭前行過。咱這馬已經會使 用雙筒望遠鏡 tī 日出 進前揣著伊。閣紲落來幾若禮拜，伊會出現 tī 暗頭仔…

天文定義 ê 秋分，今年是 tī 9 月 22 ê UTC 世界協調時間 12:44。逐年 秋分 ê 時陣，日頭 tī 地球天頂行過 天球赤道，向南方徙動。秋分 是 地球北半球 秋天 ê 開始，tī 南半球是 春天 ê 開始，這工 ê 日時 kah 暗暝是平長。是講，你若是欲慶祝天文季節 ê 變化，你嘛會使揣 雲縫光，嘛會使叫做 佛祖光 抑是 耶穌光。雲縫光 是因為去予雲閘著產生 ê 烏影，會 tī 日出 抑是 日落 ê 時陣 出現戲劇性 ê 外形。因為透視效果 ê 關係，平行 ê 雲影會 指向 日出 ê 方向。Tī 秋分這工，這个方向是 tī 東爿地平線。毋過 6 月初翕--ê 這張壯觀 ê 日出天景中，平行 ê 烏影 kah 雲縫光攏收 tùi 東爿地平線 較倚 北爿 ê 日出 方向。這…

這个背景有足濟恆星嘛足光 ê 所在，有一个因為外形 去予人建議 號做 海馬星雲 ê 天體，大細差不多有 1 光年闊。Ùi 北方 ê 皇家星座仙王座看，這个厚塗粉、閘光 ê 雲，嘛是銀河分子雲 ê 一部份，離咱有 1200 光年遠。伊嘛叫做 Barnard 150 (B150)，是天頂 182 个 暗天標記 ê 其中一个。這寡暗天標記是 20 世紀初 ê 天文學家 E. E. Barnard 編 ê。內底 有一陣低質量恆星當咧形成，毋閣 in 崩塌 ê 核心 愛 tī 長波長 ê 紅外線波段 才看會著。仙王座內底多彩 ê 恆星嘛出現 tī 這幅 星系天景 內底。 ——— 這是 NASA Astronomy Picture of the Day ê 台語文 podcast 原文版：https:/…

Ùi 某一个角度來看，芝加哥就親像是一个現代 ê 岩石陣。這條路是東西向，這个時間是今仔日。今仔日是 秋分，kah 春分仝款，是 日頭 tī 地球 ùi 正西方 落去 ê 日子。所以，今仔日 tī 芝加哥，日頭 會 ùi kah 赤道方向平行 ê 街仔路 kah 大樓 中央 落去，這个景色咱 kā 叫做 芝加哥 岩石陣。這張相片 是 2017 年 9 月中 秋分 ê 時陣，tī 芝加哥 ê Upper Wacker 大路 翕--ê 芝加哥 大樓城市，嘛算是一款 芝加哥 岩石陣。毋過 誠濟城市 ê 街仔路 抑是 其他 特性，嘛會佮 地球 自轉軸 對予好勢。所以誠有可能，你 上愛 ê 街仔路 嘛是東西向--ê。今仔日日頭落山 ê 時陣，你只要小可影一下，應該就會揣著。 ——— 這是 NASA A…

對蹛 tī 北半球 ê 人來講，九月 ê 月圓叫做 收冬月。9 月 17、18 這兩暗，月娘行到地球烏影內底。伊去予日光照著 ê 彼爿，有一部份 tī 圓錐形 ê 地球本影下底，產生 月偏食。這張相片是透早天欲光進前 2 點半鐘，kā kha-mé-lah 固定 tī 三跤馬頂懸 翕--ê 收冬月食月 系列影像，前景是 Slovakia 共和國東部 ê Spiš 城堡。收冬月是一个傳統名，代表這是 秋分 前後 ê 月圓日，是一个慶祝、講古、kah 唱歌 ê 日子。照按呢講，這个名實在是有夠合。因為農作物 成長 ê 季節 欲煞 ê 時陣，日時 ê 時間就變甲愈來愈短。毋閣做穡人猶是會當 tī 天色欲暗到天光進前，利用月圓時 ê 月光 來採收農作物。9 月 ê 收冬月 嘛是超級月娘，這代表月球 …

新 ê 恆星 是 ùi 死亡 恆星 ê 殘骸 內底 誕生--ê。銀河系內底有一粒 足大質量 ê 恆星，重力崩塌 死亡了後 ê 氣體殘骸，創出 G296.5+10.0 超新星殘骸。美人魚星雲就是 其中 ê 一部份。美人魚星雲 嘛叫做 泰國鬥魚星雲，是 超新星殘骸 一个特別 ê 亞分類。伊分佈 tī 兩爿，而且伊 ê 形親像是圓--ê。這个雲絲形 ê 星雲上開始是 tī X 光發現--ê，毋過這馬嘛是 無線電波 kah gamma 光 定定咧研究 ê 對象。藍色是 ùi 雙電離酸素 (O III) 發射來--ê，豬肝紅 是 ùi 水素氣體 發射來--ê。這个星雲 ê 外形就 親像是美人魚，這欲量 星際磁場 是 真方便。 ——— 這是 NASA Astronomy Picture of the D…

這張足清楚 ê 近紅外線相片是 James Webb 太空望遠鏡 翕--ê，中央有翕著 有環 ê 冰巨行星，海王星。這个暗淡 ê 遙遠世界是 離太陽上遠 ê 行星，差不多是地球到太陽距離 ê 30 倍遠。毋閣 tī 這个精彩 ê Webb 影像內底，這粒行星 暗甲親像是幽靈仝款，這是因為大氣層內底 ê 甲烷 kā 紅外線吸收了了。海王星表面大部份會吸收甲烷，伊頂懸 ê 懸雲，tī 這張相片內底嘛足明顯--ê。海王星上大粒 ê 衛星 海衛一 Triton 就 tī 這張 Webb 影像倒爿頂懸 ê 繞射光尖 遐。因為伊 ê 表面是堅凍 ê 窒素，所以伊比海王星反射太陽光閣較光。這張相片內底有 去 hŏng 揣著 海王星 14 粒衛星 ê 其中七粒，嘛包括海衛一 Triton。海王星 ê 環無遐…

發射星雲 IC 1805 ê 中心區 有 奇妙形體 ê 宇宙雲。這寡雲會生做這形，是 新形成 ê 星團 Melotte 15 內底 ê 大質量恆星 ê 恆星風 kah 輻射 kā 雕出來--ê。這个 彩色 ê 天景 內底規个攏是這个少年星團，伊差不多才 150 萬歲爾爾。伊 kah 烏暗塗粉雲 ê 外形，攏去予發光 ê 原子氣體 照予光。這張組合影像是 狹頻 kah 闊頻 ê 望遠鏡影像 鬥出來--ê。這个視野差不多有 15 光年闊，內底有 水素 離子、硫磺 離子、kah 酸素 原子。照彼个有名 ê Hubble 色盤 kā in 漆色，分別是 青色、紅色、kah 藍色。闊幅影像表示講，IC 1805 ê 外形會當用一个閣較簡單 ê 名來 kā 號，就叫做 心臟星雲。IC 1805 就 tī…

是按怎水星頂懸這窟大窟隕石坑有兩輾，而且坑底會遮爾平？無人知影。這个奇怪 ê 地形叫做 Vivaldi 隕石坑，有 215 公里闊。相片是 ESA kah JAXA 合作 ê 機器人太空船 BepiColombo tī 這個月初飛過水星附近 ê 時陣，閣翕 ê 詳細影像。像這款 tī 岩石行星 kah 衛星頂懸 ê 大型圓箍仔形結構，一般講來攏是去予 細粒小行星抑是彗星角 挵、抑是 火山爆發 造成--ê。像 Vivaldi 這款 隕石坑，可能 兩款攏捌發生過。可能是先去予太空石頭挵一大窟了後，引起水星內部 ê 熔岩流出來，內底輾才產生這款遮爾平 ê 地形。雙環隕石坑 真罕得看著。形成內環 ê 原因，到今猶是一个 研究主題。BepiColombo 太空船 利用 重力輔助系統 降速 飛過 水星，…

你敢有看著月娘內底彼个查埔人？這个問題愛看 看的人是毋是有 想像力，有法度 kā 實際上無存在 ê 物件看做咱熟似 ê 圖樣。月娘 表面 ê 紋理有足濟有標誌性 ê 圖樣，毋若佇現代西方文化揣會著，歷史上嘛佇 世界各地 ê 民間故事 內底揣會著。比論講，咱若是綴 月娘 無仝方向去看，就會看著 月娘內底 ê 姑娘仔 抑是 兔仔。咱閣來看 月娘 中央較倚面頂 ê 月海 彼搭，是毋是有成 一个面？就親像是 有一个查埔人 tī 月娘內底。這是因為月海內底有兩个較暗 ê 圓窟仔，就親像是人 ê 目睭。較 hŏng 意外 ê 是，咱若是用天文望遠鏡 斟酌來 kā 看，就會看著月娘相片內底 真正有 一个查埔人，佇月球表面出現一个剪影。這張計畫好勢 ê 相片是 2016 年踮 西班牙 馬德里 ê Cadal…

這幅有創意 ê 視覺作品，是一粒一粒 tī 地球天頂看著 ê 月娘 自然色。遮 ê 月盤攏是 tī 無仝時間翕--ê，tī 遮 kā in 一格一格排予好勢。月球有遮爾濟色調，主要是因為地球大氣 ê 變化，而且 月球、地球、太陽 ê 幾何 排列 嘛會變，造成反射日光 ê 結果嘛會無仝。Tī 這內底，上暗 ê 月盤是 地球照 造成 ê 月色。地球照是地球海洋反射日光了後，才閣照 tī 月球較暗彼爿。這 tī 500 年前，Leonardo da Vinci to̍h 有解說過矣。毋閣你若是離電腦螢幕較遠咧，抑是你注意看邊仔較細張 ê 版本，你可能會當看著 da Vinci 彼張上有名 ê 藝術品。 ——— 這是 NASA Astronomy Picture of the Day ê 台語文 p…

這張速翕 是 8 月 11 tī 國際太空站 翕--ê。這个時陣，太空站是飛 tī 地球 南半球 印度洋 頂懸 430 公里懸 ê 所在。這个壯觀 ê 景色是向南爿 kah 東爿看過去 ê 景色，上下底是地球 ê 地平線，中央經過 紅色 kah 青色 ê 南極光 窗仔布。國際太空站 ê 軌道懸，差不多就是 高層大氣 ê 懸度。極光是 薄縭絲 ê 高層大氣 內底 ê 激發態 酸素原子 發出 ê 輻射。青色發射線 主要是 海拔 100 到 250 公里懸 ê 酸素原子輻射。毋過紅色發射線 是 酸素原子輻射 一直到 海拔 500 公里懸 攏有。這个低地球軌道 ê 景色，除了南極光，嘛有翕著 南半球 ê 星空。獵戶座皮帶 kah 獵戶座星雲 就出現 tī 地球 邊界頂懸，就相片中央倚倒爿遐。天狼星是…

James Webb 太空望遠鏡 翕--ê 這張 壯麗 ê 拼鬥影像，是 少年星團 NGC 1333 ê 中心。伊是一个 tī 英仙座 方向，大型 英仙座分子雲邊仔 ê 星團。而且伊無偌遠，才 1000 光年遠 爾爾。Webb 太空望遠鏡 ê 深空 探索 包括觀測這區，主要是欲辨識 低質量棕矮星 kah 獨立行星。太空望遠鏡 ê 視野有 2 光年闊，kā 這个厚塗粉星團 ê 恆星工場 包 tī 內底。實際上， 咱已經知影 NGC 1333 內底有 比 100 萬歲閣較少歲 ê 恆星，毋過大部份攏去予 滿四界 ê 星塗 閘牢矣，所以 光學望遠鏡看袂著。這个亂糟糟 ê 環境可能 kah 咱 太陽 tī 45 億年前 拄形成 ê 時陣有成。 ——— 這是 NASA Astronomy Pictur…

Slovakia 共和國 kah 波蘭 ê 自然邊界是 Tatra 山脈。Tatra 山 是 Carpathians 山脈 上懸 ê 山。Tùi 天文攝影師 來講，遮是一个足有名 ê 所在。這張相片 是 5 月份翕--ê，你會當看著咱 銀河系 中心 kah 一寡有名 ê 恆星工場，像 內海仔星雲 kah Omega 星雲，就出現 tī Tatra 山脈天頂。恆星工場 內底攏是 水素離子，這是做水 ê 基本元素，咱地球頂懸上濟-- ê 就是水。所有 tī 宇宙 內底咱所知影 ê 性命形式，水是一項 足重要 ê 元素。這个 水，就 tī 相片前景 ê Bialka 河 內底。 ——— 這是 NASA Astronomy Picture of the Day ê 台語文 podcast 原文版：h…