Programa1404

Podcast de Corcovadomusica

Edición número 1404 de O Recanto do Corcovado. Puidestes escoitala o venres 19 de abril a través de RKV Radio Vigo, e o sábado 20 na sintonía de Cuac FM A Coruña e da Radio Municipal de Redondela. Pechamos a rolda de emisións o mércores 24 a través de Radio Crónica Folk Musical. No programa desta semana estréovos sinxelos incluídos en traballos que serán publicados no vindeiro mes de maio. É o caso da nova produción da artista persa-israelita Liraz, así como dos últimos traballos dos Bab L’Bluz e do cuarteto de Lyon L’Étrangleuse. Ademais destes sinxelos, preséntovos os últimos discos das bandas Lucidvox e Jembaa Groove. Completamos o programa co último disco da finlandesa Viitasen Piia, “Ihmisen aika” (O tempo do ser humano), quen vén de se transformar en produtora e autoeditora da súa propia música. Na recta final, fóra dos créditos, facémoslle oco ao último proxecto para Real World do artista colombiano Savan.