))
ညီမလေးကို ထိန်းတဲ့နေ့ (မင်းကိုနိုင်)
Manage episode 349357966 series 3158315
Innhold levert av Saw Wunna. Alt podcastinnhold, inkludert episoder, grafikk og podcastbeskrivelser, lastes opp og leveres direkte av Saw Wunna eller deres podcastplattformpartner. Hvis du tror at noen bruker det opphavsrettsbeskyttede verket ditt uten din tillatelse, kan du følge prosessen skissert her https://no.player.fm/legal.
“ ညီမလေးကို ထိန်းတဲ့နေ့ ” ▬▬▬▬👼🏼 ▬▬▬ ကြည့် … ဟိုမှာ နွေနှောင်းစံပယ်တွေ လုပ်ပုံ မိုးဦးမြင်ရုံနဲ့ ညဝတ်စုံတွေ ဖရိုဖရဲ အိပ်ရာထဲထား ဒုန်းပြေးသွားကြတာ ။ . လာ…ညီမလေး ဖားကလေးတွေလို တို့လည်းမိုးရေချိုးကြမယ် အမေဆူမယ်..လား နွေမှာသားပိုက်ကောင်တွေ ၊ ဆောင်းမှာ နှံကောင်လေးတွေ ဒီလိုပဲခုန်ဆွခုန်ဆွ လုပ်ကြတာ “ကျန်းမာရေးအတွက်”လို့ ပြောလိုက်မှာပေါ့။ . လူဟာ… ကုက္ကိုပွင့်တွေလို ၊ လဲမှို့ပွင့်တွေလို သတ္တိကောင်းဖို့လိုတယ်လို့ ကိုကို ထင်တယ်ကွ။ ကြည့်…ဟိုမှာ သူတို့အမြင့်ကြီးတက်ပြီး လေထီးခုန်ကြတယ်လေ၊ ခရေတွေဆို ခုန်ချရင်း မြေကြီးကို ရေမွှေးတောင် ဆွတ်ပေးသွားသေး။ . ဒီထင်းချောင်းဟာ နန်းတော်ဟောင်းရဲ့ ခေါင်မိုးကွ ၊ သူပြောပြတာက " နိုင်သူအကုန်စားကြေးမှာ နောင်တနဲ့ ကြေကွဲခြင်းတွေလည်း ရခဲ့ပါသတဲ့" ဘာ… ညီမလေး နားမလည်ဘူး ဟုတ်လား ညည်းဇယ်တောက်တုန်းက နိုင်တဲ့ သြဇာစေ့တွေ နည်းနည်းပေး ၊ ကိုကိုက မာလကာသီး တစ်ခြမ်းကျွေးမယ် အဲ့ဒါပြောတာ ။ . မီးလုံးတွေ ထွင်တဲ့ အက်ဒီဆင်ဟာ ငယ်ငယ်က အမေးအမြန်းထူသတဲ့ ၊ ကမ္ဘာကြီးကို လင်းစေခဲ့သူမှန်သမျှ ကလေးဘ၀မှာ အမေးထူကြ ၊ စပ်စုကြတယ်၊ တွေးကြတယ်။ ညီမလေး..လာ ကိုကိုဖတ်တဲ့ စာအုပ်မှာ လာရှုပ်ပါလှည့် ၊ လူတွေက ဇာတာမှာ အသက် ၁၂၀ ရှည်စေသောဝ်၊ ကျောက်ပုစွန်ကြီးတွေ အသက်က.. ဒီထက်တောင် ကျော်သေးတယ် ၊ သူတို့သေတော့ ရုပ်ကြွင်းကို ဧည့်ခန်းမှာ အလှချိတ်ခံရ ။ . ပုစဉ်းကောင်လေးတွေ သက်တမ်းဟာ ၃၆နာရီပဲ ကြာပေမယ့် လူတွေ ဟယ်လီကော်ပတာ ထွင်ဖို့ နမူနာ ပျံပြခဲ့။ . ဆင်ကလေးတစ်ကောင် လောကကြီးထဲ ရောက်ဖို့အရေး သူတို့မေမေဗိုက်ထဲ ၂နှစ်စောင့်ရသေးတာ ဖတ်ပြတဲ့အခါ " အကြာကြီးပဲ သူတို့မပျင်းဘူးလား ဘာတွေတွေးနေကြမလဲ၊ ဘယ်လိုများနေကြမလဲ" ညီမလေးက မေးတယ်။ . အဲ့သလို တွေးစမ်းပါ့ ၊ မေးစမ်းပါ့ ဆိုတဲ့အခါ “ ခွေးတွေ ကြောင်တွေမှာ အတွေးရှိလား ”၊ “ မိုးပေါ်မှာ ကြယ်တွေကုန်သွားရင် ဘယ်လိုလုပ်မလဲ”တဲ့။ ကိုကိုလည်း စာအုပ်ကြီးတဗျန်းဗျန်းလှန် အဖြေရှာနေတုန်း ကြယ်ကြွေတာ မြင်တော့ ညီမလေးဟာ “မီးမီးအပေါ် ပြုတ်ကျရင် ဒုက္ခ” ဆိုပြီး သူ့ခေါင်းကို လက်ကလေးနဲ့ အုပ်ပြေးလေရဲ့။ . #မင်းကိုနိုင် ( ၂၀/၆/၂၀၁၇ ၊ 11:30 PM )
…
continue reading
17 episoder
Del
