Rahoton da ya ce an samu hauhawar amfani da makamashi mai gurɓata muhalli a 2023

Muhallinka Rayuwarka

Shirin wannan zai yi dubi ne kan wani rahoton da ya ce an samu hauhawar amfani da makamashi mai gurɓata muhalli da ma hayaƙin da ke illata muhallai a shekarar 2023. Shirin zai duba tasirin wannan al’amari ga muhalli da ma abin da ake buƙatar ɗan adam ya yi don ci gaba da harkokinsa a cikin wannan sarari na subahana

Wani rahoto a kan makamashi da cibiyar makamashi ta duniya ta fitar ya nuna cewa yawan makamashi mai gurɓata muhalli da aka yi amfani da shi, da kuma hayaƙi mai illa da aka fitar a shekarar 2023 ya kai ƙololuwar da ba a taɓa gani ba, duk kuwa da yadda aka rungumi makamashi mai sabantuwa, mara gurbata muhalli a sassa da dama na duniya.